Agreeable eye.

an eudæmonistarchives

Citation (3)

From The Book of the Knight of La Tour-Landry:

There be suche men that lyethe and makithe good visage and countenaunce to women afore hem, that scornithe and mockithe hem in her absence. And therefor it is harde to knowe the worlde that is now; and ther [for] the resones that y haue saide you, y partede and yede oute of the gardein, and fonde in my way .ij. prestes and .ij. clerkes that y had. And I saide to hem that y wolde make a boke of ensaumples, for to teche my doughtres, that thei might vnderstonde how thei shulde gouerne hem, and knowe good from euelle. And so y made hem extraie me ensaumples of the Bible and other bokes that y hade, as the gestis of kingges, the croniclez of Fraunce, Grece, of Inglonde, and of mani other straunge londes. And y made hem rede me eueri boke; And ther that y fonde a good ensaumple, y made extraie it oute. And thanne y made this boke. But y wolde not sette it in ryme, but in prose, forto abregge it, and that it might be beter and more pleinly to be understonde. And y made this boke for the gret loue that y hade to my saide doughtres, the whiche y loued as fader aught to loue his childe, Hauing hertely ioye to finde wayes to stere and turne hem to goodness and worshippe, and to loue and serue her creatoure, And to haue loue of her neigheboures and of the worlde.
(Fol. 1b, col. 1)

::

ego hoc feci mm–MMXIX · cc 2000–2019 M.F.C.